‘तीतो सत्य’का राजले गरे विवाह

हास्य टेलिश्रृंखला ‘तीतो सत्य’का कलाकार राज आचार्य विवाह बन्धनमा बाँधिएका छन् । उनले कलाकार सुनिशा बजगाईंसँग मंगलबार विवाह गरेका हुन् ।

उनको विवाहमा सरिक भएको तस्बिर कलाकार तथा निर्देशक दीपाश्री निरौलाले आफ्नो फेसबुकमा पोष्ट गरेकी छन् ।

‘तीतो सत्य’मा राजले बाल कलाकारको भूमिका निभाएका थिए । सीए अध्ययन सुरु गरेपछि उनी कलाकारिता क्षेत्रबाट टाढिएका थिए ।

लामो समयपछि केही महिना अगाडि उनी म्युजिक भिडियोमा देखिएका थिए ।